再見我的bitcoin 二萬八

我相信，要再見比特幣28000美元，會係好耐以後既事，起碼要等下一次既經濟衰退；我估計由美國和日本兩個經濟體帶動上嚟既環球經濟景氣，將長達十多二十年；換言之，再見28000，亦要咁多年之後。

每次比特幣價格最低位的推升，都隱含它的認受進入另一個層次。

第一個最低位係3000美元左右，係2017年年底20000美元高位急跌落嚟既水平，約九個月內觸及；呢個階段，認受比特幣既人唔多，只係得嗰d自詡在「幣圈」內既參與者，嗰時佢地之所以以「幣圈」一詞自劃一條界線，就正正表示，當時佢地投資比特幣屬小眾文化，你地圈外人唔明就咪喺度指手劃腳或評頭品足，真係關你地圈外人鬼事咩！我地圈內感覺良好就得囉。

由此可見當時受眾著實不多，再者，當時加密貨幣市場亦不具效率，否則怎會有空檔比你「搬磚」，意思即係比你喺兩間唔同既交易所中套取比特幣的差價。

第二個最低位係18000美元左右，係由2021年10月61000美元所跌下來既最低位，歷時約13個月才到此水平；呢個階段，投資比特幣已不是小眾，「幣圈」一詞已愈見少用，你用都比人覺得你孤單，仲講呢d！全球很多人已認定比特幣不死，而且作為一種資產，絕不遜於傳統股票和物業，就連嗰d投資大家同懶醒既經濟學家（真係讀死書，死蠢上腦），都唔敢再亂咁講：「比特幣價值遲早歸零！」呢句真係經典，我認為同凱恩斯嗰句：「長期乜人都死撚曬啦！」有得揮，全球既「我們」都懂事了，明白長期嚟講，地球都歸黑洞所有，但自己有生之年，比特幣隨時唔可以喺佢低位買翻！

現在，比特幣價格正不斷攀升，驅動上升的動力，除了更多普羅大眾認受外，就連各國政府和國際金融機構也甘於接受，甚至將其定性為跟黃金、石油或大豆同級的大宗商品，令當下30000美元有一個極堅實既基礎，甚至還可推到更高既水平42000美元，因當下還欠bitcoin 實貨ETF未落實，一旦出現，才是最強的官方認受，就應攀上42000囉！

怎也好，28000這水平，已是一個不易回去既水平，甚至我有生之年都見不到了。

未來半年，比特幣會因持續的官方承認而穩步上揚；不過，若要盲升，則需要環球經濟暢旺兼且投資者瘋狂槓桿，咁起碼要5至6年後。

至於渣打d分析師話明年年底就14萬美金一枚比特幣，發神經！