其實，美國好窮 ！美聯儲只係天天在調控美國人既「窮」。

舊生說：

「如果美國要加息，應該係要個經濟好過頭既情況下。」

如果要這樣，美國永世不用加息，因為美國「經濟好」只會是傳說。

我所謂經濟好，是美國家家戶戶有錢儲，財政極之鬆動，可到處買野。其實，這麼多年來，你有聽過美國國民到世界各地買物業咩？仲要買到出晒名㖭！我從來只聽過，上世紀八零年代日本人買爆各地物業，跟住到中國人，而家開始有D印度人，但我好似未聽過美國人喪買外地物業。

我只聽過美國人曾經癲起上嚟不斷同銀行狂借錢買美國本地樓，最後買來一個金融海嘯。

美國，上至政府，下至平民，均負高債度日，一旦借錢借出禍來，就印銀紙或發國債頂住，以至債台高築，你睇下圖美國債規模就知，升到呢～～～

所以，對於美聯儲嚟講，加息唔係因為美經濟過熱，係見美家庭銀根有鬆動，就要加定息，為整個經濟日後減息打定底先。

大佬，金融海嘯嗰十年，量寬令利率低到釐幾都得，如果美聯儲唔係見到經濟稍稍好d（所謂經濟數據展現出韌性），就加息練住練住國民既支出，如果唔係咁discipline，第日又有大鑊野嚟，又點再減息又點量寬呀！唔通要美國行到好似昔日日本咁，點印錢都對經濟無反應咩，咁就死囉！

所以，我覺得鮑威爾用心極良苦，但特朗普個死佬重衰到話若做左總統唔會再續用佢，無良心呀～～～～

你特朗普日後減到息都係鮑威爾持家有道咋！