內地有錢人根本對香港既apartments 無興趣

新世界及遠東發展的啟德柏蔚森，今個星期六開賣，發售198伙，折實平均呎價約17,000元，就同區而言，的而且確由高位劈左三成落嚟。

所以，當日銷情起著重大的指標，如果能去貨八成以上，現時樓價尚可保住由高位只跌三成的幅度；然而，銷情一旦只得六成，後市就真唔樂觀，年尾跌足四成不是夢！

我一直認為樓價點跌都好，都應該唔會去到五六千蚊一呎，因為呢個真係完全無計入通脹既廿年前沙士價，但屯門嗰個新盤都已經可以賣到低過一萬蚊一呎，咁未來三年，每年只要減一成，都差不多到啦！

現時唯一可挽救呢個局面既，就係內地人嚟買。

但坦白講，等內地人嚟買香港樓，真係唔駛諗；走得出去而又叠水嘅內地人，佢地過晒澳洲加拿大英國買house，就算佢地喺外國買apartments 都買到怕，全坐晒貨，咁佢地仲點有興趣嚟買香港apartments，買左又坐多幾間咩！到時真係坐遍全世界了。

唯人零星落索的內地人會嚟香港買樓，就係嗰d儍到以為可以「以租養貸」的天真客，但你等得幾多個呢d真天真落嚟買！？

都唔猜測啦，睇星期六賣勢，就知往後市道。