充滿殺機的提問！可不是兒戲。

立身處世，有時由不得你不小心，稍一不慎，就會招致不必要的麻煩，甚至誤墮法網；尤其在今天的香港，法制已不同，更要一億個𧫴慎。

今天下午，Telegram 群組有這樣一問：

「Alex ，想入少少bitcoin 現時可以嗎？係咪揀coinbase?」

當時我正在專注思考編程之邏輯，看到這問題，有點錯愕，然後眉頭緊皺。

大家也是入世已深的成年人，再不是十八九歲那位未經世面的儍年青，問這樣一條問題，自己不覺不妥當？

首先，我已為文數篇，兼在群組內重申，我絕不會談及任何加密貨幣平台，更不會推介！但問題中的尾句：「係咪揀coinbase?」，我真莫明奇妙，我從未在群組內提及coinbase ，因為我根本未用過這個平台，只知它是美股，而群組內其他人也甚少談及這平台，點解條問題的語氣，講到我地好似成日提及coinbase？但最重要的是，香港證監月頭已經講得好清楚，coinbase 不可以在香港經營，因它沒有向證監申請牌照，咁條問題咁問，想點? 想Trap 我？ 如果我話係，我咪啫係推介無牌加密貨幣平台，唔係吖嘛，我開個討論群組大家相互討論下啫，唔駛要我咁樣中伏嘛！

要買，請往證監網站查查那一個平台已向政府註冊，然後合法地去幫襯；不要問我，問我把鬼咩！其實，我真係有d嬲！

另一part問題：「想入少少bitcoin 現時可以嗎？」我完全唔明問我做乜！我既舊生大都多已為人父母，大家應該聽到類似呢句問題係來自你地仔女，「嗲哋，想打一個鐘頭機可以嗎？」呢條問題係向人攞核准既，咁大佬！我又唔你乜野人，你問我「可以嘛」，我點答呢？我憑乜野同你講「可以」？同埋，乜野叫「可以嘛」？買左必賺？有得咁問？我都想搵個咁既人比我問，然後佢答可以，跟住我後來賺左，我當然唔會出聲；但輸左，就賴落佢到，輸打贏要囉！

你買比特幣，關我鬼事咩！你問可唔可以？我何德何能答你！

如果我儍到答佢，然後群組內個個得閒就咁樣問，我又愈答愈實，咁我好快變做林作2.0了！

我的而且確係姓林，但叫德米！