傳媒也在行凶

尋日荷里活廣場單野，最令我感受深刻既，就係案發頭一小時的傳媒報導，真係可以用「亂柒報導」泥形容，亂泥得幾近無恥，完全失去應有既求真專業態度。

人命關天，點可以亂咁「消費」受害人的名聲，真係好過份，好陰質！

我都覺奇怪，點解案發一小時內，大家驚魂都未甫定，傳媒居然已知係情殺，又第三者，又Tom boy，我當時上緊網堂，偷望下d報導，我已經覺得好亂，睇唔明。

完堂後，我問朋友：「點解我睇唔明，究竟件事係點？」不同朋友有不同版本，我更亂！

然後，警方出嚟「交待」案情，先知根本完全同「情殺」無關。

可憐兩位受害人，無辜遇害已大不幸，還要在首兩小時名聲在毫無根據下遭沾污，試問呢d傳媒於心何忍，報業既良心何在！

香港的素質真的每況愈下，原本很專業的城市，突然各方面都兒戲得很。

行凶既人當然是有精神病，但現在我們所謂的傳媒，也不見得正常。它們也在行凶，也不知向受害者的靈魂手刃了幾多刀！