你想有廿釐回報，係有既！我推介你揸這種資產！

舊生問我現下這階段應該投資甚麽？我認為，不如乖乖地將錢存入銀行做定期，甚麽都不要買，不要再心煩這方面了。

投資有時，而當下經濟環境真不適合我們買野。

如果你宏觀點看，近代經濟歷史始於上世紀二戰結束後，那時百廢待興，整個世界的金融秩序，是由西方文明建構起來，特別是美國那一套槓桿思維：重視貨幣的增發，透過不斷的借貸，物價的上脹，從而推動經濟發展，雖則一次一次令環球經濟走進泡沫之死胡同，但走出後各國又故態復萌，故此，過去七十年，各地物價與資產價格，總的來說，只有不斷的膨漲。

但一場歷時三年的疫症，似已易轉這七十年的膨漲勢頭，令你不得不相信「物極必反」這哲學規律。

易轉的原因主要是環球人口已達頂峯，現在陸逐回落，全球經濟開始「回帶」，仿彿要回到從前般，帶頭當然又是美國，持續「縮表」同時又持續加息，即使去到當下，美國似乎仍無打算剎停這「回帶」，還要繼續量縮。

回帶回得最快算是日元了，當然，日元總不會回到365円兌一美元那個再見螢火蟲價吧！

大趨勢如此，教你如何能投資！？乜野都跌，而且係持續跌，真係你買乜都會輸，咁不如唔好買！strong hold 現金，存定期算了！

更美妙既係，而家揸現金好高息，你真係雙贏架！先有三四釐定期息，再加樓價、或股價、或債價、每年跌十幾個百分點， 你手上現金既購買力就相應升十幾個百分點，加加埋埋，咪廿釐囉！

然而，你明明已有廿釐回報，竟然懵然不知；反而抬錢比JPEX ，然後相信佢比廿釐回報你！

你入左金比JPEX ，筆錢去左佢個處，佢就真係有廿釐回報啦.

原本係有廿釐回報既，但居然親手奉上給別人；你！真係儍得可愛！

不投資也是投資，唔好當現金唔係資產先得架！