你咁勇而家買港股，咁不如認購周杰倫隻野啦！

港股下行中，有舊生說待恆指跌穿17000，想入手儲下貨….

我極有保留。

我見網上仲好多人教人炒港股，我心想，港股像死池般，還花心機學炒賣港股，是否枉費精神。你點硏究都係輸，因為港股正處於漫長下跌軌中。

有無留意，舊生問我某隻美股好唔好，特別科技股，我會好有heart 咁另文分析，因為呢d係「溫書」，花心機落去係好值得，了解多d佢地既基本面因素，為未來部署入貨策略，絕對有回報！老實講，自己都想學揸車，咁分析汽車股先夠入肉；但你問我港股，我只會回：「算啦，買左等收息，未買唔好搞佢啦，港股好悶。」

我真係連望下恆指係幾多，都無力氣。

就當港股曉升，你恆指17000買入，你諗住會升幾多？23000好嘛？呢個價位已經好盡，升幅得嗰三成幾；今時今日，你要搵升幅有四成的資產，大把有得你揀，你駛唔駛買港股呢！

就以比特幣，而家都都係低位，我季多前已講（我YouTube account 可做證）如無意外，26000 至28000係當下底位，你買入，等到下半年，隨時到36000 至42000，都有三成幾，但機率高好多，做乜唔買比特幣！

好啦，你認為比特幣「呃人」，咁買美股，NVIDIA、AMD 、Microsoft 、Google ….. 大把科技股你揀，要有三成幾升幅亦唔難，你做乜捨易取難。

再唔係，買日元，而家佢超低位，5.6算左右，升起上嚟好易到7算，都有三成幾；就算唔升，日本旅行都用到，無得輸。

如果大家真想向難度挑戰，咁去盡d！認購周杰倫嚟香港股市圈錢嗰隻新股（股票名我都唔想記，老人家我腦袋RAM 有限，唔想記d無謂野），絕對提升你持久收集的趣味。

你呢段時間買港股，我真係怕你會一時睇唔開，搵次搭飛機架機未land 好你就打開機門話想吹風。