住香港有乜野好處 ?

住香港有乜野好處，有！稅輕！呢個係我地每天接受「被交待」的代價。

我食得咸魚抵得渴。

你移居後，生活點都好，守過左就總會適應下來，只要肯改造自己，張就一下，你一定可以挺下去。

但外國的稅制真難挺，你賺既收入，交稅後被砍去一大截（喺英國過左港紙約五十萬年薪就要交4成稅），唔係唔能夠適應，但真係好惡哽！

記得年青時喺港大修讀經濟學，挑了張公共財政既paper 嚟讀，其中一個大課題係入息稅制如何影響工作誘因，我嗰時覺得呢個topic最無感，一嚟我未出來工作，二嚟以香港既税率之輕，我真構想唔到稅制會點減低工作誘因。

但以英國入息稅率嚟計，我稍為振𡚒做人，年薪一旦過左五十萬英磅，我就突然要交多一倍稅，即使我呢d工作狂，都要諗過度過！

所以我認為有年幼子女的家庭，移居機會較高較快樂；畢竟，重稅可換來子女既免費教育，尚划算！

現在做香港人，好煩，因為多了個移居的可能，你每日諗多好多野，昨天我既群組內有位舊生，突然心血來潮，check check Wirex 處理香港人賣買你用邊個地方既office ，係英國，就即刻多左樣野諗，若移居英國，投資比特幣賺左，使唔使支付資本增值稅，果然想得細緻！

我都比Google 問過，要我交文件證明國籍，若果係歐美居民，我的廣告收益要繳當地既稅率，約三至四成…….. 我第一次因中國香港呢個居民身份而感到僥倖。

所以，我唔會移居，只會「數碼牧遊」，浪跡天涯，但根仍在香港，只因香港稅輕。

你選擇啦！一係喺外國被當地政府砍下一大忽你的收入嚟做稅款，一係喺香港，承受喺街度隨時被神智不清既人狂砍既風險。

我精呀！偶居香港得嚟不永久移居。