乜野叫「樓市仲托得起」呢？

雖則樓市下滑，但有舊生認為始終當下情況不同於九七那時的低潮；當時，失業率高企，很多人因無收入而要斷供，才令樓市沉淪；但現在卻不同，失業率很低，有工開自然就有錢供樓，業主不至於要劈價沽樓或將物業淪為銀主盤；加上有好多業主的物業已full pay，根本不會賤買物業，所以樓市仍有承托力。

這位舊生說得不無道理，但我認為，樓市叫做「托得起」，並不是當下這種情況。

我心中所謂樓價「托得起」，係喺業主叫價下，最多減2至3%，就可以走貨，比盡5%啦；否則，有價無市，反映既並唔係市況，只係話比我地聽有好多業主「底厚」而已，不旨在交易。正因為咁，我地無理由睇佢地開嗰口價，就話個樓市托得起，事實上根本無人願意承接呢d價，咁點叫做托得起呢！

當然，如果個個業主都好厚底，全線企硬價，咁有住屋需求既人最終死死氣地比呢個價，又或終有內地客嚟慷慨接貨，咁樓價就真係托得起！

但事實就係，點會所有業主都厚底，人有三衰六旺，總有業主有財困，又或趕住移民，敖不住持續的等待或拉鋸，最後甘願「出賣戰友」，無奈劈價走貨。我地而家見到既，係呢種情況，而唔係上一段所講既景象。

加上近呢幾年，好多年輕業主買樓時用埋嗰d乜野呼吸plan，頭幾年就供得輕鬆，但往續就知味道啦，而且息口又不斷上升，好易頂唔順，就要賤價買樓，令實際交易既樓價，根本無得托。

你見而家租金硬淨，就係因為好多買家都唔肯貴價接貨，佢地寧願交多幾點子租金，都唔願意置業上會。

的而且確，有好多具實力的業主根本唔急於賣，但買家亦唔急於買，而最終，係某d業主心態弱守唔住，無法再出綿力托起樓市，劈價離場。

仲有一班業主，遲早忍唔住要劈價———發展商！