不能懶於踏出第一步

會計學好悶，但聽說外國有位阿姨用生動活潑方法表達，結果在youtube 爆紅，我未睇過，亦不會睇，因為唔想受佢套風格影響。

編程更悶，但我好多舊生都知道，今時今日不懂科技，好難發圍，但學科技真係好眼訓，係極有效既催眠方法。

我喺度諗，我都曾經識活潑教學，我何不再用呢個形式，喺youtube 分享編程，每天一小節，若有人願意每天follow 收看，三百六十五日既內容加總就不得了！

不過，我真係有十年無用過昔日高考嗰套教學手法，份情懷都唔知lay 左去邊樹，call 唔call 得翻出泥都成問題。

但我都想試試！

好多野，你行左第一步，往後未必朝你想去的目標，但可能會引領去另一個你意想不到既更好發展。

我耐不耐就聽到咁既說話：「得唔得架，我唔係好願試！」

如果第一步都懶於踏出，就乜野機會都無，乜野都唔得！