不掌握各類優惠情報，你差唔多要比多2成價！

香港物價很貴，但其實大多也是「面價」，實際價格並非如此；又或換另一個角度看，零售商心知要參與很多優惠推廣，set 高價格先，數返落嚟無咁傷。

唔好以為d優惠係小數目，真係動輒可以減2成，你參與JPEX d呃人定存，無非都係想取那虛無瓢渺既2成回報；而家你只要多留意優惠，精打細算一d，就實實際際有嗰2成回報，何樂而不為！

就以Payme 爲例，最近有一連串coupons 可按，昨晚推出左張大家樂消費每$40減$4（我每早都要幫襯大家樂或大快活，沒辦法啦，我要飲佢杯奶茶），而若果你係大家樂常客會員既話，每次交易減5元都減得幾密！咁差不多變相減左十幾個百分點！

我喜歡睇書，是三中商（商務、三聯和中華）常客，常客到已經唔知係乜野尊貴級會員，所買既書均有八折，其實我自己都係攪賣書既，可以平過八折取貨，但有時喺書店睇到本書，勾起我求知好奇，等不了，要即買即消化，那八折價對我好重要。

就算雲端服務，我都好精打細算，善用服務供應商所提供既三個月免費試用期，雖然咁樣我要每隔幾個月重置server 一次，都要做一個下晝，幾花工夫，但熟能生巧，已成為我每季工作之一。搬一搬，慳成千，小數怕長計！

好多商場都提供優惠為商戶促銷，甚至跟商戶買貨當贈品給顧客，變相給商戶減租。這亦解釋當下經濟欠佳下，首當其衝是街舖無人租，好多街舖業主放租仲係開天殺價，而且租戶無生意，呢d個別業主又唔會想辦法替商戶促銷，所以好多品牌都寧願入商場做，因為生意唔好都有大業主幫手諗下！街鋪租值急跌，不無原因。

當然，再配合無優惠就唔消費，就係最有效的方法力抗滯脹。好多野，肯「等」就會平！