一篇廢文 : 參與加密貨幣生態的人最不懂人性

對於網上的資訊，我一向只睇客觀事實既報導，至於相關既分析或觀點，我無興趣睇，因為我對事物太有自己既睇法，而對其他相異既意見，暗裏通常都不同意。

睇人地呢d分析，與其話係參考，倒不如話呢d分析搞亂我地思路，令我地想法drift 嚟drift去，缺乏一個堅實既觀點。

就好似舊生睇完下面嗰條link 既文，問我佢既講法啱唔啱。

梗係錯！

其實我好憎呢d文章寫到懶專業，係度故弄玄虛，令人耐人尋味，但其實根本喺度鳩嗡。

該文章既意思好簡單，就係比特幣挖礦既回報就泥又減半，而同時比特幣價格又跌，咁礦工可能因回報低唔撈，結果礦工人數大跌，算力亦下跌，咁好容易比人控制到一半算力gar bor，攞到一半咪好危險，因為可改動條錬既資料。

中本聰係天才，我極欣賞佢既設計，認為比特幣條鍊既安排係天衣無窮，包括考慮埋人心既邪惡；而人心，以我觀察，係而家參與加密貨幣生態的人最不懂既；佢地既焦點多在技術，並不善於理解人性。

因為納殊均𧗽（Nash Equilibrium)！呢位人兄講既野根本不成立。

就算區塊報酬再減半，始終比特幣數量比以前多好多，交易頻繁令手續費有可觀進帳，就算蝕都唔會蝕好多，所以佢地會等其他礦工離場，因為佢地一旦離場，自己就多左機會拎到區塊，又賺返！同埋話離場就離場咩！？咁多礦機硬件。

但個個礦工都咁諗，唔通個個都離場咩！結果個個都無離場，轉頭比特幣又升翻，乜事都無！大家繼續挖礦。

仲有，就當有好多礦工離場，你認為剩翻既礦工會好有incentive 搞爛條錬？我賺到好好地，就算我算力過五成，我都唔會郁條錬啦！仲會好好愛護佢照顧佢。儍既咩，一郁，我自己d比特幣同未來收入都收埋皮，我有無咁笨柒！

咁有新加入礦工嚟搞搞震咁點算，佢地加入左，礦工人數同算力又正常提升返啦！又乜事都無！

經濟學教懂我地既，就係個人既劣根性反而可以造就一個和諧同生生不息的群體秩序；這方面，中本聰最懂！

而那些加密貨幣人，識條鐵咩！

相關廢文：