一個去中心化自治組織的Telegram Group 之誕生 —— 財 Dee 迷因幣 （夢話一篇）

因為有廿年是高考補習老師，當時市場流風所影響，做當紅那一批，多少要「扮到」撈得好掂，來騙騙年少不更事的學生之膜拜，咁先有話題有名氣，才可以招徠更多既學生，我作為傑出既人生演員，隨波逐流，要我這樣演就演吧！有錢收又有飯盒攞，不怕演！

老實講，教書係皮肉錢，搵得幾多，一個當老肯的salesperson （賣乜都得，投資計劃又好、保險又好、樓車也好） ，隨時搵得仲多，係D細路未出嚟見過世面，先以為嗰時d補習老師搵好多，有幾多吖！

而高考一完，呢種演出連飯盒都無，我梗係停演；但形象根深蒂固，就好似d演員演開奸角，要用好大的力氣和造詣先可以扭轉形象，我都好努力表示我係一個好務實既人，但仲有人「痴」埋嚟想搵老細，我記得有個直情要我對佢咁講：「我唔係你想搵既老細啦，唔好浪費時間喺我身上。」佢先肯黯然離開。

我唔會怪呢D人，呢個世界的而且確有好多老細」，為搵食，我地痴埋去在所難免（我都想痴），想搵多D，甚至比人爆下後庭菊花亦甘之如飴，但你搵錯老細，我心地善良就單聲你，等你無謂錯付假情，終極變臉就唔好啦！我算係人至義盡。

這幾年，總算扭轉形象成功，大家都明白我係一個乜野人，知慳識儉孤鳩寒，錢銀多少都係錢，唔會有乜野「唔旨在」，更唔需要乜野虛名，無實錢收既野我無興趣，亦唔會做儍仔比人讚兩句就去做替死鬼；就以當下我開既Telegram group ，係我近十年來所開既群組中，舊生心態最簡單既，無機心，大家只係顧自己嗰份，唔會計過枱，君君子子！相當唔錯。

以往曾開過幾個類似既groups ，但我發覺內裏有不安好心的人，或計算別人之心過強，搞cheap 晒，我即close 群組，免煩！有d舊生有參與過，都應該記得。

其實，你搵老細，不如唔好向組內求，有d骨氣，大家齊齊向組外求吖！

我開群組，點都要「清流」一d，有舊生會問我，可否引入唔係我舊生的人入嚟，我無任歡迎，只要佢清楚，我地嗰telegram group ，無人會sell 你野，你亦唔好計算我地，大家發言既野純粹參考，呢度無專家，無投資貼士，大家鳩噏下啫，喜歡既就跟住我地思路考量下，睇下啱唔啱自己用，咪輸打贏要，無人叫你跟我地投資思路。

如果呢個group 愈嚟愈有格，我老懷大快！而group 內每個人，都應該覺得自豪！

到時大家以去中心化自治組織形態來投票，幾時封group 唔比人入嚟！哈哈…..

威呀！到時隨時有會籍token ，要同我地群組組員買入先入得group，嘩～～～發啦～～有飯盒啦～～～～財自啦～～～～～

財 Dee 迷因幣呀～～～～～