「iPhone頭2星期實有得炒既！」呢句好永遠！

自己始終上半生跟經濟學有不解之緣（不過，真係好奇怪，呢個緣份，五十歲後盪然無存），對市場炒賣特別有興趣探討，廿年前對樓市炒賣極好奇，以身試「市」，理解了不少，令我今天在youtube 頻道夠底氣談樓市，近十年iPhone 在熱炒，又令我投入關注，每年9月我都感興奮，因為好多野學。

我好好奇，究竟呢句：「iPhone頭2星期實有得炒既！」何時失靈？天下無永遠不變的事情，天荒地老前必然會完結，既然Steve Jobs 死了這麼久，Apple 光環總應有一日消失，我真想知iPhone炒賣到幾時先會完，這是有趣的現象。

2019年曾出現過「iPhone 已無得炒」的論調，因為2018年很多人炒燶了，當時我見勢頭，力申iPhone 未炒完。

去到今天，我有一個具哲學感的結論，iPhone 要經過「三上三落」才炒完。

第一落在2018年，第二落該在今年吧！然後，其摺機引發第三上，最後Apple 幾年後以第三落而歸於平淡。

昨晚iPhone  預訂，大家會從預訂看其供應量，看看是否有大貨，我認為這標準不太靈；首先，iPhone已有四年有得炒，大家食髓知味，無論香港與內地，非用家瘋訂是必然，大佬！舊年閒閒地一部賺1500，美好的回憶總以當下行為再來實踐，所以，昨晚的預訂，必然熱烈。

「炒唔起我咪自用咯」，跟那句「我自住怕high 咩！」有著異曲同工之妙處。

而那句「iPhone 頭2星期實有得炒既！」亦跟「樓市點會落架！」同樣精彩。

當九成人跟你說：「樓價點會跌架！」它就跌了！現在，我從無聽過有一個人跟我說：「iPhone 今年無得炒！」除了我邊嘔邊對鏡中的我說。

有無得炒，現在難作定論，要睇內地需求，而這需求，一日未到正式開賣，無人知！所謂供應多與少，是講相對的，相對於需求。

而我對今年的內地需求，較悲觀。

不過，炒iPhone 跟炒樓不同，前者注碼少，輸極都係幾百，不傷身，最多因預期落空傷少少心而已。

iPhone 炒賣，有趣 ！