「你都唔志在啦！」

我好怕一種人，相信好多人都怕，就係佢地跟你相處，會幫你計埋，甚至計埋你既身家。

最典型既係，你放產品在旋風App，有些人會跟你說：「件野你都係唔駛錢得泥架啦，平d比我啦！」我真係好討厭人同我咁講，我件貨點泥，係我既窿路，我既人際網絡先有，我有其他成本你唔知，我出價你可以還價，但唔好幫我計埋，你理得我件貨點泥！

正如我上一篇文講，我最怕人對我講嗰句「你都唔志在啦！」點解？理由就係我何德何能「唔志在」，我又唔係幾億萬身家未開頭，我只係做過幾年稍稍受歡迎既補習老師，教書係皮肉錢，我搵得幾多！同埋唔好咁幼稚，都唔知有幾多大醫生、大律師同大會計師欠黑財錢，你睇人好而已，我聽聞不少，尋日先又聽多一單，你不懂人世事就不要胡亂說。

其實，大家與人相處，計算一下對方無可厚非，起碼忖度下對方會唔會害你，只止於此是君子；默默計多一點你為人和擁有，也尚可接受，但說到出口，已然其心可居！好多時，你口所說就反映了你心底話，特別是脫口說出嗰幾句。

當然，你會說，這種人笨到說出口，是低手！

係！但問世間，絕世高手有幾多個！？有既話，呢個世界就有好多top salespersons 或 agents 啦！