我為何認為NVIDIA 股價要大調整?

2024 年 6 月 16 日 | 千語德財

這一兩天,我開始認為美AI科技股股價要來個大調整,舊生於是好奇問:

「原因會是什麼?她的經濟很強啊?科技方面正積極地做領頭羊?」

首先股市升跌是大戶藉大勢舞高弄低而圖利,經濟好有經濟好上落,經濟唔好有經濟唔好既高低,所以我看跌,與美國經濟和其科技強勢無關。

我看有大調整,原因有三:

第一:是哲學問題,獨陽不生,NVIDIA 自宣佈一拆十,已足足升了兩星期有多,真係回都未回過,事物總不會如此單邊發展,即使你眼前看不到任何負面因素,這不是代表無負面因素要來。

2019年上半年香港樓市,你會看到有負面因素嗎?看不到!只是,當樓價瘋升了十多年,你也該有預感:必有事發生令樓價轉勢!

第二,是蘋果!直至這一刻,我仍不明白蘋果股價上升的原因,它引入的人工智能,是來自chatGPT ,不是它自家的,啫係要比錢人地,成本上升了,但Apple Intelligence 雖然令現有果粉玩得開心些,但會吸引人 android 用戶轉會嗎?你蘋果的AI 又唔係自家開發,其他手機品牌都可以引入,無獨特性,話就話你蘋果OS 順d,咁都未必吸引到人轉用蘋果產品系列,Samsung d 旗艦機而家都好順吖!

更何況,佢既Apple Intelligence 未有華語可用,啫係內地市場未必有,咁我唔覺呢個服務會帶來更多收益!

點解蘋果股價會升呢?有AI概念的股雞犬皆升咯!咁當下升勢仲唔係尾聲。

反之,微軟會因有chatGPT 股權而有多d錢收,但其股值反被蘋果超前,莫明奇妙!

第三,小紅書有個回應我非常同意,署名「过龙」這樣寫:

「肯定有泡沫喽,一大堆都是AI卖铲子的在赚大钱,英伟达、博通啊,其他的终端应用靠AI赚大钱的一个也没看到,op、微软、脸书、AI开始有收益了?跟他们几百亿美金买算力相比,现在都是亏大钱的。」

對呀!直至當下,根本未有AI下游企業因提供AI 服務賺大錢,我認為這將會是NVIDIA 冧價的主因!當大戶要「質」NVIDIA 時,呢個必定係借口,又或說眾科企公司為節制成本,不再向NVIDIA 追買新產品,太貴嘛!

基於以上三個原因,我認為由NVIDIA 帶頭升的美科技股股價,差不多要大回調。