美國有條癲佬成日叫住美股會崩盤 ——— 但可以參考一點

2024 年 6 月 15 日 | 千語德財

美國有位經濟學家,叫Harry Dent,睇美國股市睇得好淡,由舊年已經瘋叫,話道指喺2024年會崩跌86%,跌至金融危機以來新低,納斯達克指數都要暴跌92%,加密貨幣就跌96%,而美國平均房價可能腰斬、打回2012年低點…….

佢最新修正就話2025年先會咁….

佢繼續推遲年份啦,實永無錯既。

不過,話得說回頭,美股我都真覺有d AI 泡沫,NVIDIA 仲係咁升,我都覺唔係太正常,不過,佢當造,尚可接受!但我最唔明蘋果升d乜,佢引入AI 入 iPhone 到,唔係d乜野創新吖!最緊要,蘋果喺內地市場正收縮中,要不斷狠劈價求售,而佢既新AI 服務喺內地都唔知用唔用到?我擔心連香港都無得用!大家睇睇蘋果官方既講法:

「Apple Intelligence 將於今年秋季以 iOS 18、iPadOS 18 及 macOS Sequoia 推出英文 (美國) Beta 版本,可供用户免費使用。當中部分功能、軟件平台及其他語言將於明年逐步推出。Apple Intelligence 將於 iPhone 15 Pro、iPhone 15 Pro Max 和 iPad 及 Mac (配備 M1 及更新晶片) 推出 Beta 版本,Siri 及裝置語言須設定為英文 (美國)。」

得英文版jar bor,仲要係d Beta 版,d野好虛啫,咁就推升市值超過微軟?會唔會有d兒戲!

美股會跌到九十幾個百份點,我就覺得係癡人夢話啦!但當下我都真覺有d AI 泡沫,要小心嚟次大調整。