STX 既投資佈局

我雖然睇好STX 的未來，而舊生剛過去兩星期又見到佢價格既爆炸力，真可以升近一倍，但我極不贊成大家在比特幣和STX既投資比例上失𧗾。

比特幣始終已成「大宗商品」，其投資額無理由少過STX，咁反映你賭性好強，改改呢種投資習性啦。賭，係一種娛樂；投資無娛樂可言，是長期既忍耐。前者心花怒放，後者心靜如水，截然不同。

因為Bitcoin Stacks 智能合約既應用仍未廣泛，你暫時可以咁睇STX ，當佢係一隻call option（當call 輪都得），同比特幣有相同走勢，但波幅勁好多；而且佢無時間值，唔會有行駛日，即無到期，呢個係好處，真係好難搵到隻咁既輪！

不過，我地既然當佢call 咁玩，咁買賣策略有長短期部署：

短期而言，亦即Bitcoin  Stacks 未有大應用或比特幣價未見有大升之勢（即係而家啦），若在STX 低位，你入左，譬如你剛在過去一個月真係咁醒喺0.47入到，一星期後去到0.8時，都有約6成利潤（扣埋出金手續費），不妨抽翻嗰本出泥！剩翻就等長線。咁做法一來滿足你想有d投資「細藝」，二來就算剩嗰d跌到零，你都無蝕本，已做足風險管理。

長期而言，即Bitcoin  Stacks 終見應用或比特幣價見有大升之勢時（有時呢d勢頭都要你自己判斷），咁就梗係由佢升盡，到價格回落20%時就走曬佢，再升都唔理，一定唔會再買翻（買翻你就輸）！

我建議呢d策略，只係參考，當然唔係一成不變，你自己加以審時度勢同作出微調，配合翻你性格。

投資，切入與撤出，有一定藝術，但絕對無娛樂性。