唔明點解仲有人覺得港樓可以回到從前！

如果你信命理術數，一定聽過「逢七必變」，《周易》認為，事物由始至終經歷六步就圓滿，正所謂「六六大順」，而一旦超過六，到了七，卦象就起變化，變故必發生。

無巧不成話，昔日九七年香港經濟開始低迷，就正正是二零零四年左右鬧始重生；而香港呢個城市，若由1949年開始計，到2019年，亦正正七十年，其間香港的地產市道，不知造就左多少成功企業與城中富豪，試問能夠喺香港致富既，又點會唔跟地產扯上關係呢！久而久之，活喺呢度既人，都會對物業有一份強烈的情意結。

甚至認為樓市永不死，會週而復始重生。

我好理解，但我真認為今時不同過去嗰七十年。

如果你相信凡物必有週期，又相信以上易經所說的「逢七必變」既規律，再嚟一d較客觀既分析，咁你絕對有理由相信樓市已展開新格局，再不能像以前般既上落節拍。

事實上，自2019年，國安法的出現，我們的政經體制已起了根本既變化，文明亦不同囉；我地不認不認還需認，香港將逐漸由一個向外經營的國際城市，轉變為配合內地發展的內向城市，亦因咁樣，香港將要與國內各省份的大城市看齊，既然係咁，相比國內其他大城市，我地的樓價無可能在往後長年高企喺某個水平，咁好難搵到個合理解䆁。

若香港日後樓價可真猛然上升，就意味係全國樓房也在熱炒，香港這城市也嚟炒埋一份。

如果真係咁，港樓已無獨特性。

又既然係咁，當下既港樓樓價會隨住香港的城市特質愈趨近內地城市而跟內地樓價睇齊，而家港樓仲貴過內地樓好多，咁一係就內地樓價升上嚟追近港樓樓價，一係就港樓樓價繼續尋底，跌到近乎內地的樓價水位。

你認為邊個情況出現既機會高d呢？