我竟然幾近中左電話騙局!

2023 年 5 月 20 日 | 千語德財

事物有它發展的脈胳,我思想上似已有軟弱,已敲起警鐘,我再不警醒,遲早中伏。

昨天我在忙中,銀行突致電來,是電話錄音,語調相當正統,提醒我咭數快到期要找,若需當下在電話語音上進行即時支付,可按「1」,我感到奇怪,從未試過這銀行有此種來電服務,我便掛線不了了之;事後,我回心想,著實有點好奇,於是致電該銀行信用咭保安中心,問問是否真有此提醒客戶到期找數之服務,他們問了我的來電號碼,證實非這間銀行的致電。

當下世代,網上或電話騙案已是一種「產業」,若不然,我們每天怎會在各社交媒體和電訊設備中收到這麽多的騙案電話,真 的多到不厭其煩,而且五花八門,形式繁多,又「仿真度」愈來愈高,一個單打獨鬥的騙徒又怎能做出這樣的規模和想出這麼多的點子,其中可真牽涉很多專才,該有些懂心理的,亦有些懂科技的,更有些明瞭金融方面的操作,真係少一班專才都難成事。騙局已是一種產業,容載了多樣的人才。

當然,這產業見不得光,誰會願意做,於是請人也難,也就連請人也來騙一番!用甘詞厚幣騙你到某個地區,然後強迫你勞動,這種利誘的訊息,我天天也收到,由此可見,這產業非常「要人」,不斷努力的「搶人才」。

百貨養百客,之所以有這產業,正正是因為他們真的能行騙成功,而且賺得非常可觀的收入,才能讓他們這些組織日益壯大。

我地會好奇:點解會有人咁笨,被騙了!如果你有留意嗰d成功被騙的個案,當中不乏有識之士,最近就有個個案,係會計師被騙了數十萬,由此可見,我地真唔好少覷呢d騙徒既手法,認真無孔不入,而且手法做到「似層層」,假可亂真,只待你有一刻心態軟弱,又或有半秒疏於防範時,就中正佢地既下懷。

其實佢地都好食腦,度既野都度得好細緻好有點子,前幾星期我收到個短訊,話我數碼通積分就泥過期,要按link 挑選禮物,我有一刻都無意識係scam,只係奇怪點解剛轉台過數碼通,就有積分過期!我咁諗,已經喺意識形態上中左招,霎時間覺得自己極笨,太失策!

知恥近手勇,我檢示自己一番後,為自己定下一條針對scam 既思想總路線,就係任何事,唔係自己主動發起既,而係被動地由這些訊息源提醒,通通不理,寕願錯這,都唔要被騙徒逮著和得呈!

騙徒係一間公司,而我得一個人,由不得我不掉以輕心。

抗拒被騙,是應對巨人歌利亞的叫陣,我地無大衞的大智慧,就唔能夠輕敵。