究竟Leica 相機有乜野咁好?氣質優先 !

2023 年 3 月 30 日 | 千拍萬攝

一個職業攝影師唔一定會擁有Leica相機,但一定知道佢既「不凡」氣牆(尤其係體現出Leica靈魂或精神既Leica M系列旁軸相機),無可厚非,Leica既巴閉有部分係來自佢既歷史因素及其高明既行銷手法;但時至今日,Leica依然有一班忠實擁躉,所代表既唔止係一個品牌情懷,亦係一種文化象徵,一個社區生態,以下將為大家簡介一下。

第一:"工藝":Leica作為一個德國品牌,絕對係其中一個能夠充分體現出「德國製造」既品牌:專業、精密、固執。當你打開Google,搜尋有關Leica相機、鏡頭背後既製作過程,網上會有大量資訊去令你明白箇中有幾複雜且精確。真係要講最能體現Leica工匠精神,用料不惜血本既,莫過於係1954年發布既M3,以其中一個生產工序為例:單係製作一支鏡頭既玻璃就必須要等長時間(至少三個月)既自然冷卻(絕非强制冷卻)後先會用係後續既製作,Leica寧願犧牲大量時間成本都要達至某一方面既完美,正因為這份執著,個陣時LeicaM3相機完全碾壓當時對手推出既同級相機,逼得日本NikonCanon等紛紛退出當時主流既旁軸相機市場。其機械精度同光學能力亦成為當時國際最高工業標準表現既代名詞。

第二:"可靠 / 耐用":呢點尤其適用於Leica既機械相機(M7開始Leica已逐漸電子化)。無可否認電子化同數碼化的確係相機發展既趨勢,但面對惡劣既環境,並唔係每臺相機都能夠勝任。關於Leica既耐用性,最常被提及既都係用家既小故事,本文便以其中一個為例:北極探險家及攝影家Martin Hartley係極地進行拍攝時,用既係Leica機械相機,因為係咁低溫既環境下,大多數電子元件都失靈,唯獨只有機械相機先能夠正常運作,而且,Leica係品質控制方面十分嚴謹,每支鏡頭嘅質量都好一致,出廠前會詳細測試,因此,Leica機械相機及鏡頭即使面對不同(極端)既溫度,濕度之下,就算經過一段長時間仍能夠維持同樣水準。

第三:"德味":有唔少攝影師都鐘鍾情於Leica成色上獨有既「德味」,所謂既「德味」係用黎形容相片上獨特既觀感(油畫般既厚重感):一般黎講係指色彩表現濃郁而真實,尤其紅色同藍色、色彩層次及虛焦實焦過渡之間自然且油潤、立體感強(高光、暗部表現優異,暗部細節非常豐富,高光抑制比較好),照片整體欠曝但同時能夠保留細節,呢種感覺,係黑白相到更能充分體現出來。

然而,隨著時代既進步,數碼時代日新月異,菲林相機已逐漸遠離我們既生活,相機既演化亦不斷改進,數碼相機的出現令每個人都可以係業餘攝影師,旁軸相機受到數碼相機既浪潮所沖擊,甚至攝影亦因後製而受到挑戰,(數碼)相機已處於電子實力既競爭年代,Leica又係咪具備好似昔日凌駕一切既科技實力呢?當有相當既預算,Leica又會唔會再次成為你手上個部「難以取代」既相機呢?

Alex@Kerwin