點解我部手機愈「旗艦」，影愈近物件愈廢愈朦朧？

雖然智能手機既攝影性能越泥越強，但似乎有個「死位」一直都解決唔到！

就係個d主打手機即使擁有絕佳內置鏡頭，但近距離拍攝時竟無法對焦，畫面依舊模糊不清；最衰係，一年一年旗艦機叫住話影相硬件點勁點勁！但靠近既野就愈泥愈影唔到，咁究竟係咩原因呢？

呢個情況並唔系統出現左Bug，其中一個主因係被攝既物件唔喺對焦範圍內，呢到講緊既對焦範圍係指「最近對焦距離」：所有鏡頭都有佢自己既最近對焦距離，只要你要拍既野比最近對焦距離還要近，咁就肯定對唔到焦，被攝體將被虛化，就好似你既手指非常靠近你對眼時，就會朦朦查查，眼睛根本無法聚焦係距離太近既物體上，鏡頭既工作方式亦係咁樣。

而且，感光元件尺寸既增大，鏡頭既最短對焦距離就會較長。以iPhone 14 Pro為例：為配合主鏡頭既設置，同繼續優化係拍攝方面既性能，例如畫質靚d、夜拍顏色同暗部細節表好d、淺景深表現好d等等，主鏡頭既感光元件尺寸亦從上一代既1/1.7吋提升至1/1.3吋，但代價就係對焦點會更遠，如上圖所示：

所以，當我們手持一台新款手機型號喺近距離時，往往無法好似舊時手機咁，可以好近咁對到焦。有外媒亦指出，iPhone 11 Pro、13 Pro同14Pro主鏡頭既最短對焦距離係越出越長，分別為：約120mm、約150mm和約200mm。簡單講，當你攞住部iPhone 14 系列既機企係一個好近既距離用主鏡頭去影近野時，往往仲難對焦。

好多人重以為近鏡聚焦同大光圈有關，其實係無直接關係既。^^

Alex@Kerwin